Te Kura Kaupapa Maori o Harataunga

Whanau

 

Ko te whanau, ko Koro, ko Nana, ko Matua ko Koka, ko Tuakana, ko Teina, Ko Tuahine, ko Tungane, ko Iramutu, ko Mokopuna.

Ko ta nga matua, ko ta te whanau, ko ta te kura papa kainga, he mea awhi, he mea whangai, he mea whakaako i te tamaiti kia tupu ora ai tona katoa i roto i te tika me te maungarongo.

 

Ma te rongo a te tamaiti ki te awhi, ki te arataki, ki te tautoko, ki nga tohutohu a te whanau me tona aroha hoki, e mau ai tona piripono ki te whanau. He mea hopu te nuinga o enei tuahua. No reira e tika ana kia piri tonu te whanau ki nga tamariki i roto o te kura, i roto i a ratou mahi hoki.

 

Kainga

 

Ko tona ake kainga te ao tuatahi me te kura timatanga o te tamaiti. Tua atu o tenei ko te ao Maori. Ma te Kura Papa Kainga ia e arahi i roto i enei nekeneke tae noa ki tona kura whakamutunga, ara, ki te ao whanui me ona ahuatanga katoa